Procedurat, teknologjia dhe instrumentet e kirurgjisë refraktive i janë nënshtruar zhvillimit dhe avancimit të vazhdueshëm gjatë viteve të fundit, ashtu që tani në shumë raste,  konsiderohen si një alternative reale ndaj mbajtjes së syzeve dhe lenteve të kontaktit, dhe ofrojnë një përvojë krejtësisht të re. Në shumë situata, mbajtja e syzeve është mjaft e vështirë, sidomos në kryerjen e aktiviteteve të përditshme të punës, në kohën e lirë apo gjatë aktiviteteve sportive. Kirurgjia refraktive mundëson realizimin e ëndrrës për një pamje të mirë pa ndihmën e syzeve apo lenteve të kontaktit. Sidoqoftë, përzgjedhja e procedurës adekuate dhe përjashtimi i kundërindikacioneve të mundshme, kërkon ekzaminim të detajuar diagnostik. Çdo sy është i ndryshëm dhe çdo pacient ka karakteristika individuale që duhet të mirren parasysh.

Në faqet e mëposhtme, ne ju japim një përmbledhje të mundësive të kirurgjisë refraktive. Në klinikat tona DEmed, të gjitha intervenimet kryhen me standardet më të larta të kualitetit. Ne përdorim vetëm gjeneratat e reja të teknologjisë dhe instrumenteve. Përvoja shumëvjeçare e mjekëve tanë në fushën e kirurgjisë së syve, si dhe edukimi i vazhdueshëm mjekësor, mundëson një siguri maksimale të trajtimit.