Retina është shtresa e brendshme nervore e syrit, e cila e mbështjell nga brenda 2/3 e pasme të kokërdhokut të syrit dhe e cila nëpërmes nervit optik është e lidhur drejtpërdrejt me trurin. Funksioni i saj është shumë i rëndësishëm. Nëpërmes retinës, të gjitha imazhet-fotografitë që i marrim nga bota e jashtme, përpunohen dhe nëpërmes nervit optik barten mëtutje në tru ku organizohen dhe interpretohen.

Sëmundjet më të shpeshta të retinës dhe të trupit qelqor janë:

Çarjet dhe vrimat e retinës, shkolitja e retinës, gjakderdhjet, dëmtimet e retinës nga diabeti, membranat mbi retinë, vrima e njollës së verdhë gjegjësisht makulës, degjenerimi i makulës, inflamacionet e retinës, etj.

Trajtimi i sëmundjeve të retinës është kompleks dhe në të shumtën e rasteve urgjencë mjekësore. Trajtimi bëhet me disa metoda si: laserfotokoagulimi, injektimi i substancave të ndryshme dhe intervenimet e ndryshme si: vitrektomia (me vaj silikoni apo gas), procedurat e ‘cerclage’ dhe ‘scleral buckle’, cryopexy.

Intervenimi më i shpeshtë është vitrektomia ku mjeku nëpërmes të tri vrimave-incizioneve bën ndërhyrjet delikate me qëllim të mjekimit të gjendjes së retinës dhe trupit qelqor (pjesës zhelatinoze të syrit). Klinika DEmed kryen këto intervenime që nga viti 2005, me anë të metodave më të avancuara (25G) dhe teknologjisë moderne (Platforma ‘Constellation’ nga Alcon).