Ortoptika fokusohet në të gjitha çrregullimet që lidhen me shikimin binokular tek fëmijët, por edhe tek të rriturit. Shikimi i mirë binokular është një kusht i rëndësishëm për zhvillimin e një fëmije. Nëse shikimi nuk zhvillohet plotësisht deri në moshën 6 vjeçare, fëmija mbetet me dëmtime serioze vizuale në njërin ose të dy sytë. Këto mund të çojnë në humbje të shikimit tridimensional.

Shkaqet mund të jenë:

• Ametropia
• Strabizmi= shtrembërim i njërit ose të dy syve (rreth 4 milionë njerëz janë të prekur prej tij)
• Katarakta kongjenitale (mjegullimi i thjerrëzave)
• Glaukoma kongjenitale (rritja e presionit intraokular)

Nëse njëri sy nuk është i përfshirë në aktin e të pamurit për arsyet e përmendura më sipër, zhvillohet ambliopia (dobësia në shikim). Është e rëndësishme që ambliopia të zbulohet sa më shpejt që të jetë e mundur, pasi trajtimi mund të jetë i suksesshëm vetëm para moshës 6 vjeçare.

Opsionet e trajtimit:

• Bartja e syzeve
• Trajtimi i gabimit refraktiv (mundësisht me okluzion të syrit dominant)
• Kirurgjia e strabizmit

Megjithatë, një faktor i rëndësishëm është bashkëpunimi i prindërve dhe ekzaminimi okulistik i hershëm i fëmijës.

Shenjat paralajmëruese të problemeve ekzistuese të shikimit mund të jenë shfaqja e simptomave të mëposhtme:

• Ikja e syrit, edhe nëse ndodhë vetëm me raste
• Fërkimi i shpeshtë i syve
• Sy të kuq
• Dridhja e shpeshtë e syve
• Pengesat ose ngecjet e dukshme
• Imazhe të dyfishta
• Probleme të përqendrimit
• Dhimbje koke